Jop ka Dulong 11-0 iaka Sabahmuswang haka 1st Div ka WJDSA

Syllad | The Rising MeghalayaOctober 24, 2024

Ka Dulong SC kala jop da 11-0 iaka Sabahmuswang haka jingialehkai 1st Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 24 tarik u Risaw.

Ha kane ka jingialehkai la mih paw ar tylli ki harttrick kiba la khyrwit da u Nickyboy Swer bad u Wansa o Laloo kiba la pynlong syndon iaka Dulong ban khur iaka jingjop kaba bun kol.

Ka Dulong ha kane ka jingiakhun kala tam shakhmat naduh ba sdang ka jingialehkai bad kala nion ha baroh kiliang iaka Sabahmuswang kaba la pynlong iaka ban duh lyer bad kam lah satia ban iatynjuh bor ha kaba tang haka kylla step kala thep haduh 6 kol.

U Nickyboy ula pynkhih nyngkong iaka jar tang hapoh 1 minit bala iaid ka jingialehkai. Ar kol pat ki kol ula thep haka minit kaba 43, 84. U Wansa oo Laloo (11, 42, 53), mar ar kol na u Rimitre Lytan (35, 73) bad u Dawanmonmi Mynsong (44, 61). Shikol kala mih paw haka dur ka own goal kaba la thep da u Meshwaki Dkhar (87).

Haka 25 tarik u Risaw ka jingialehkai kan long hapdeng ka Mookyndur pyrshah iaka Mooknor Thadmuthlong haka por 2.00 baje nohphai sngi.