Jop ka Efty iaka Mupliang, yn iaknieh nam lahduh pyrshah iaka Ummulong haka District Cricket League ka WJHDCA

Syllad | The Rising MeghalayaMay 3, 2024

Ka Efty United XI SC Mynso kala rung sha ka final hadien ba kala pynliem da 2 wicket iaka Mupliang haka District Cricket League kaba pyniaid da ka West Jaintia Hills District Cricket Association (WJHDCA) kaba long ha madan Khliehtyrshi haka 2 tarik Jymmang.

Da kane ka namjop ka Efty kan iaknieh iaka nam lahduh bad ka Ummulong CC haka final ka ban long haka 4 tarik Jymmang.

Ka Efty United XI SC Mynsoo kaba la jop iaka toss kala kam trai ban bol bad na kaliang ka Mupliang CC kaba la tied shuwa kala kamai 243/8 na ka 35 over.

Ka Efty United XI SC Mynso haba beh iaka thong kala kamai 246/8 na ka 34 over kaba la biang pura iaka ban jop da 2 wicket.

U Riboklang Hynniewta ula lah ban lam lynti iaka Efty ban khur ia kane ka namjop ha kaba marwei ula kamai 83 run naki 52 bol kaba la biang pura ia ban khur iaka nam Man of the Match.

Ki ar ngut ki batsmen ka Mupliang kiba ioh khambun ruh ki kynthup ia u Byforcestar Dhar 45 run na ki 29 bol, u Mewan Phawa 55 run naki 60 bol.

U Byforcestar ula khyrwit ruh 2 wicket bad na kaliang u nongkawang bol ka Efty u Carefully Gassah khur 3 wicket bad u Kitbooklang Lyngdoh 2 wicket.