Jop ka Evergreen da 3 wicket iaka NEAU-ATS haka District Cricket League ka WJHDCA

Syllad | The Rising MeghalayaApril 15, 2025

Ka Evergreen SC&CC kala pynliem da 3 wicket iaka NEAU (ATS) haka jingialehkai District Cricket League kaba pyniaid da ka West Jaintia Hills District Cricket Association kaba long ha madan Khliehtyrshi haka 14 tarik Iaiong.

Ka Evergreen kaba la jop iaka toss kala ailad shuwa iaka NEAU (ATS) ban tied bad kala lah ban teh lakam iaka jingialehkai ha kaba ka NEAU kala kamai 125 run bad liem lut baroh 10 wicket na ka 34.4 over.

Haba beh iaka thong kaba 126 ka Evergreen kala pyndep hapoh 28.1 over bad liem 7 wicket.

U Mickey Marngar ka Evergreen uba la lah ban ialehkai bha ula khur 4 wicket bad bynrap sa ka 26 run kaba u la synniang ula khur iaka khusnam man of the match.

Ka jingialehkai haka 15 tarik Iaiong kan long hapdeng ka Khimusniang SC pyrshah iaka Mupliang CC haka por 9 baje mynstep.