Jop ka Golden Lion bad Namrhenlang-I haka football ha Pdengshakap, yn bteng biang ka jingiakhun haka 15 tarik

Syllad | The Rising MeghalayaJanuary 13, 2025

Ka Golden Lion bad Namrhenlang-I kila khur jingjop da ka jingiashut tie-breaker haka jingialehkai 11th Secondary School Invitation Football Knock-Out Tournament kaba pyniaid da ka Dorbar shnong Pdengshakap haka madan Pdengshakap haka 11 tarik Kyllalyngkot.

Ka Golden Lion FC na Rymbai kala pynrem iaka Kner Sungoh FC da 5-4 lyngba ka jingiashut tie-breaker. Ka jingialehkai haka por kaba la buh kala kut khlem don mano mano ba lah ban pynkhih iaka jar kol.

Haka jingialehkai kaba bud ka Namrhemlang-I FC kala pynliem iaka Umphrup SC da 9-8 lyngba ka jingiashut tie-breaker. Ka jingialehkai haka por kaba la buh kala kut da mar 1-1.

Iaka kol na ka bynta ka Namrhenlang-I FC la thep da u Dongmi Surong (35) katba iaka kol jong ka Umphrup SC la thep da u Mang (53).

Ka jingialehkai kaba bud kan bteng haka 15 tarik Kyllalyngkot hapdeng ka Golden Lion Syndai FC pyrshah iaka 7 Wasa United haka por 12.00 baje mynsngi, ka YFC Trangblang pyrshah iaka DC haka por 2.00 baje nohphai sngi.