Jop ka Iawmulong pyrshah iaka Royal Pole haka sngi sdang ka Independence Cup ka WJDSA

Syllad | The Rising MeghalayaJuly 19, 2022

Ka Iawmulong Nartiang kala khur namjop da 1-0 kol pyrshah iaka Royal Pole Mihmyntdu haka sngi sdang ka Under-17 Football Tournament kaba la tip kum ka Independence Day Cup kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi ba Ar.

Kane ka shikol kala mih paw haka dur jong ka own goal ne ka kol kaba la bakla thep. U Anthony Toi ka Royal Pole ula thep ia kane ka kol haka minit kaba 20 bad kane ka kol kala neh haduh bala wai ka por iakhun.

Lashai ka jingiakhun kan long hapdeng ka Nangbah Sports Association (NSA) pyrshah iaka Sabahmuswang haka por 11 baje, kawei pat ka jingiakhun kalong hapdeng ka Ksehsylle Ialong pyrshah iaka Demthring haka por 1 baje nohphaisngi.