Jop ka Jaintia Eastern HSS iaka iakop tyrko ka JTES halor ka jingbret iaka ñiut ha krem dewiong

Syllad | The Rising MeghalayaJune 15, 2022

U Kheinburom Syngkon uba mikhmat iaka Jaintia Eastern Higher Secondary School ula jop iaka jingiakop tyrko kaba la pynlong ka Jaintia Tourism & Environment Society (JTES) ryngkat ka jingiatreilang bad ka Jaintia Eastern College (JEC), Khliehriat haka sngi Nyngkong.

Ka phang jong kane ka jingiakop tyrko “U pyndap ia ki thlu Mooiong (Abandoned coal pits) da I jhep toh ka lad ka wabha tam wow pynkhai im biang ia ka soodong sookun (Environment) ha Ri Jaintia”. Ia kane ka jingiakop la pynlong ha hall ka aintia Eastern College.

U Kheinburom ula pynksan iaka motion bad ula ong ba ka jingbret iaki ñiut ha ki krem dewiong kan pynbha iaka mariang bad kan iarap ban wanrah iaka khuid ka suba ka sawdong sawkun ka jaka nalor ban iada iaka jingim briew na ki aksident.

U Pynshai Lyngdoh na ka skul Tia Chaphrang Secondary School bad u Jonathan Siangshai kila ioh iaka nam lahduh ba ar bad ba lai. Katba ïaka nam Best school ne Best team la ïoh khur da ka Jaintia Eastern HSS.

Baroh kine ki nongjop kila ioh iaka khusnam pisa T.3000, T.2000, bad T.1000 marwei.

Kane ka jingiakop ka long kumshibynta ban rakhe iaka sngi pynneh pynsah iaka mei ramew ne ka World Environment Day.

Kongsan ba iadonlang ha kane ka tyrko dei u Deputy Chief Member JHADC ma Lasky Rymbai.

Hadien kane ka jingiatai ki nongialam bad ki dkhot ka JTES kiba kynthup ia u Philemon Lyngdoh, u ma SK Lato, JM Pohsngap, H Toi, Dr Phervision Nongtdu Principal Jaintia Eastern College nalor kiwei kiwei kila thung dieng ha phyllaw ka college.