Jop ka Jarain iaka PHE XI, rah syndon ia nam lahduh haka Open To All Knockout Football Tournament ka WJDSA

Syllad | The Rising MeghalayaDecember 3, 2022

Ka Jarain SC kala jop da ka tie breaker da 4-3 iaka PHE XI haka final Open To All Knockout Football Tournament 2022 kaba pynïaid da ka West Jaintia District Sports Association (WJDSA) kaba long ha Kiang Nangbah Stadium, Ladthadlaboh, Jowai haka sngi Saitjaiñ.

Ka WJDSA kala pynlong ia kane ka lympung ialehkai football kumshibynta ka jingrakhe iaka lyngkhuh snem ba 50.

U kongsan ba wan sakhi ia kane ka jingiakhun final u dei u working president ka Meghalaya State Olympic Association, Shillong u Bah John F Kharshiïing haka jingdonlang u DSO West Jaintia Hills District Ma Khroobok Passah ki dkhot ka WJDSA kynthup u Working president u EMH Passah, u General Secretary u Lammat O Laloo bad kiwei kiwei.

Haka jingïakhun ka Jaraiñ SC ka la long ka lahduh hadien ba ka la pynliem ïaka PHE XI lyngba ka jingïashut tie breaker da 4-3. Ka por ba la buh ban ïakhun ka la kut khlem da lah pykhih jar.

U working president ka Meghalaya State Olympic Association, Shillong u Bah John F. Kharshiïing ula sam ïaka Trophy ka Jaraiñ SC ryngkat ka song poisa kaba T. 2 lak katba ka PHE XI ka ïoh ïaka song pisa kaba T. 1 lak.

La sam ruh ïaka khusnam Man of the Match sha u Sewi Rymbai u rangïalehkai ka Jaraiñ SC.