Jop ka Khimusniang da 6 wicket iaka NEAU haka District Cricket League ka WJHDCA

Syllad | The Rising MeghalayaApril 4, 2025

Ka Khimusniang SC kala jop da 6 wicket pyrshah iaka NEAU (ATS) haka jingialehkai District Cricket League kaba pyniaid da ka West Jaintia Hills District Cricket Association (WJHDCA) kaba long ha madan ialehkai ka shnong Khliehtyrshi haka 4 tarik Iaiong.

Haba phai sha ka jingialehkai ka Khimusniang kala jop iaka toss bad kala ailad iaka NEAU (ATS) ban tied shuwa. Ka NEAU kam shym la lah satia ban seng iaka nongrim kamai run kaba biang bad khyllem wicket uwei hadien uwei tang 79 run bad liem lut baroh 10 wicket na ka 22.5 over.

Ka Khimusniang haba poi ka pali jong ka ban beh iaka thong kala lah ban pyndep haka 15.3 over bad liem 4 wicket.

U Yoohimiootre Patweth ka Khimusniang ula kylla long u namtam bad khur ia ka khusnam man of the Match hadien ba la ioh ban khyrwit 2 wicket 3 tylli ki maiden over bad ai tang 3 run na ki 5.5 over.

Ka jingialehkai laishai ka 05/04/25 kan long hapdeng ka Mowkaiaw CYC pyrshah ia ka Young Lad’s CC haka por 9 baje mynstep.