Jop ka Khimusniang pyrshah iaka Umshangiar, marwei 201 run kamai u Bareh

Syllad | The Rising MeghalayaMarch 29, 2022

Ka Khimusniang ka la jop da 282 run pyrshah ïaka Umshangiar haka lympung ïalehkai Under-19 Boys jong ka All Jaintia Hills District Cricket Association kaba long ha madan Jrisalein Chutwakhu, Jowai haka sngi Nyngkong.

Ka Khimusniang ka la jop ïaka jingkynting pisa bad kam trai ban tied nyngkong bad ka la kamai 360 run bad duh 7 wicket.

U K Bareh marwei ula kamai 201 run khlem hap (not out) naki 112 ball bad ula lah ban tied 38 tylli ki 4 run bad 2 tylli ki 6 run katba u E. Dkhar ula kamai 50 run naki 52 ball.

U Tremi Phawa jong ka Umshangiar ula pynhap 2 wicket naki 7 over.

Haba beh ïaka thong Umshangiar ka la lah ban kamai tang 78 runs bad hap lut baroh ki wicket hapoh 13 over.

U Raikut Dkhar ula kamai 21 run naki 10 ball katba u Waibhah Ryngkhlem jong ka Khimmusniang marwei ula pynhap 6 wicket naki 7 over.

Ïaka nam ‘Nam of the Match’ la ïoh da u K. Bareh uba la kamai 201 runs khlem out.