Jop ka Khlachympa Nongtalang haka Upper Div, ka Amtasam, Padu & Shkenpyrsit haka Lower Div ka ASSA

Syllad | The Rising MeghalayaNovember 13, 2024

Ka Khlachyma Nongtalang kala jop da 2-1 pyrshah iaka Lamin XI haka jingialehkai Upper Division, katba ka haka Lower Divison ka Amtasam, Padu Utd ba dka Shkenpyrsit kila khur jingjop haka 13 tarik Naiwieng.

Baroh ar tylli kine ki lympung ialehkai la pyniaid daka Amlarem Sub Divisional Sports Association (ASSA) ha madan mini stadium Ladjaplem, Amlarem

Haba phai sha ka jingialehkai Lower Division, ka YC Moosakhia kala shah pynliem da 2-0 haka Amtasam. Ia kine ki ar kol la thep da u Defender Jungai (15) bad Majesty Rasmut (37). Ka Padu Utd kala jop da 1-0 iaka Nongtalang. Ia kane ka shikol la thep da u Banjop Pohleng (11) bad ka Shkenpyrsit kala pynliem da 2-0 iaka Sankhat ha kaba u Pynchemi Kyndait marwei ula thep ar kol (16, 38).

Haka jingialehkai Upper Division, ka Khlachympa kala ioh thep ia kine ki kol lyngba Liky Nonglamin (40) bad u Mebaniaitei Kharnuid (50). Shikol ka Lamin la thep da u Kerlang Khonglah (46).