Jop ka Khliehiongriang iaka Mookyndur, dang hap ap iaka resol pyrshah iaka Mynthong haka 1st Div ka WJDSA

Syllad | The Rising MeghalayaNovember 4, 2024

Ka Khliehiongriang SC kala jop da 3-0 pyrshah iaka Mookyndur haka jingialehkai 1st Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 4 tarik Naiwieng.

Ia kine ki lai kol ka Khliehiongriang kala thep shikol haka kyllastep lyngba u Rines Suting (32) bad ar kol pat kila wan haka kylla miet Samehi Langshiang (75) bad Damewathi Dkhar (84).

Wat hadien kane ka namjop ka Khliehiongriang kan dang hap ban iakhun pyrshah iaka Mynthong ka ban long haka 6 tarik Naiwieng. Kane ka jingiakhun ka dei kaba la pynkynriah sngi bad ka resol kaba mih na kane ka jingiakhun kan ai iaka rai mano ban ioh rung sha ka semifinal na ka pool B.

Katba ka pool A, ka Chutwakhu bad ka Sohmynting kila buh jaka ialade haka kyrdan jong ka semifinal.

WJDSA 1st Div Football: Rung semifinal ka Sohmynting, duh ka Khimusniang, hiar ka Sabhamuswang sha ka 2nd Div