Jop ka Khliehmuchut Mulang Ialong Pateinki Sabah haka Third Division ka WJDSA

Syllad | The Rising MeghalayaApril 24, 2022

Ka Khliehmuchut Shangpung, Mulang Ialong bad Pateinki Sabah kila khur jingjop haka jingiakhun Third Division- ka 2nd Adelbert Laloo Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Saitjain.

Haba phai sha ka jingiakhun ka Khliehmuchut Shangpung kala pynliem da 2-0 kol iaka Lumchyrmang Mihmyntdu. Ia kine ki ar kol la thep da u Banteilut Langstang (52) bad u Elizer Suiam (54).

Ha kawei pat ka jingiakhun ka Mulang Ialong kala jop 4-2 kol iaka Tpeppale. Ia kine ki saw kol ka Mulang Ialong la thep mar shikol da u Tellme Mulieh (5), Ngait Mulieh (17), Feeling Mulieh (68) bad u Coming Mulieh (71).

Katba na kaliang ka Tpeppale la thep da u Dasani Pakma (19) bad u Reyner K Mujat (53).

Haka jingiakhun kaba khatduh ka Pateinki Sabah kala jop da 2-0 kol iaka KsehSylle Ialong. Ia kine ki ar kol ka Pateinki Sabah la thep da u Premi Kyndait (30) bad u Wanmi Shylla (80+1).