Jop ka Khliehmynkrem bad ka Chilliangraij haka 2nd Div ka WJDSA

Syllad | The Rising MeghalayaSeptember 10, 2024

Ka kynhun ialehkai jong ka Khliehmynkrem bad ka Chilliangraij kila khur namjop haka jingialehkai 2nd Division Football Tournament – 7th Debo Shullai Memorial Trophy kaba pyniaid da ka West Jaintia District Sports Association (WJDSA) kaba long ha madan Kiang Nangbah Stadium haka 10 tarik Nailur.

Haba phai sha ka jingialehkai, ka Khliehmynkrem kala lah ha kaban pynliem da 2-1 iaka Mowtyrshiah.

Ki ar kol ka Khliehmynkrem la thep da u Romiio Lymgdoh (22) bad u D Nongjngi (27). Shikol ka Mowtyrshiah la thep da u Badskhem Dkhar (16).

Katba ka Chilliangriaj kala pynliem da 4-2 iaka Mukhla Umlangchor.

Ha kane ka jingiakhun ka Chilliangraij kala tam shakhmat da ki ar kol kiba la thep da u Iaki Lanong (5) bad u Sajemiki Shylla (14). Katba na kaliang ka Mukhla Umlangchor hadien ka jingpyrshang kaba tyngeh kala ioh thep shikol lyngba u Pyrkhatlang Sumer (37). Ka kylla step hapdeng kine ki arliang kala wai da 2-1.

Dei hadien bala bteng biang iaka jingialehkai haka kyllamiet, ka Chilliangraij kala pyntam biang sa shikol lyngba u Hamewan Rangad (46), hynrei watla shah tam ka Mukhla Umlangchor kam shym la pyndem kala iakhun tyngeh ban ioh thep kol bad dei tad haduh ka minit kaba 65′ kala ioh ban thep sa shikol lyngba u Niawkor Sari.

Ka Chilliangraij kaba la kham ban bor iaka Mukhla Umlangchor, kam shym la aili bad kata ka mynsiem iakhun jong ka ruh kam shym la pjah, kala ioh ban pynbud biang sa shikol lyngba u Sajemiki haka minit 80′ kaba long kumba sah ia u prek ban pynthikna ban khur iaka nam jop.

Haka 11 tarik Nailur ka jingialehkai kan long hapdeng ka Lion Sports & Youth Affairs bad Khliehmyntang Ialong haka por 12 baje mynsngi. Ka Shangpung Moosyiem bad Lumpariat haka por 2.00 baje nohphai sngi.