Jop ka Khliehmyntang bad ka Shangpung Moosyiem haka 2nd Div ka WJDSA

Syllad | The Rising MeghalayaSeptember 11, 2024

Ka Khliehmyntang Ialong bad ka Shangpung Moosyiem kila jop haka jingialehkai 2nd Division Football Tournament – 7th Debo Shullai Memorial Trophy kaba pyniaid da ka West Jaintia District Sports Association (WJDSA) ha Kiang Nangbah Stadium kaba long haka 11 tarik Nailur.

Ka Khliehmyntang Ialong kala jop da 1-0 iaka Lion Sports & Youth Affairs. Ia kane ka shikol la thep da u Damepynbiang Dhar (54).

Ha kawei pat ka jingialehkai ka Shangpung Moosyiem kala pynliem ida 2-1 iaka Lumpariat.

Ha kane ka jingiakhun ka Shangpung Moosyiem kaba la shah tam shuwa shikol, hynrei kala lah ha kaban tan kylla iaka jingiakhun sha kaba iakhaid bad pyntam kylla shuwa ban wai ka por iakhun. Ia kine ki ar kol ka Shangpung la thep da u Da o Langbang (30) bad  Treiming Dhar (80). Shikol ka Lumpariat la thep da Sonowel Kharsati (6).