Jop ka Khliehmyntriang bad Rymbai Madanpynriang rung sha ka semifinal Third Division ka EJHDFA

Syllad | The Rising MeghalayaSeptember 15, 2023

Ka Khliehmyntriang bad ka Rymbai Madanpynriang ki la rung sha ka jingiakhun Semifinal jong ka lympung ialehkai Third Division Football Tournament kaba pyniaid da ka East Jaintia Hills District Football Association (EJHDFA).

Kane kala wan hadien ba ka Khliehmyntriang bad ka Rymbai Madanpynriang ki la khur jingjop haka jingiakhun Quarterfinal kaba la long ha madan artificial turf kaba long ha Diengshynrum, Khliehriat haka sngi Thohdieng.

Haba phai shaka jingialehkai ka Khliehmyntriang SC ka la jop da 6-0 iaka Pynthorsale SC. U namtam ha kane ka jingialehkai u dei uBring Dkhar ula khyrwit marwei ula khyrwit lai kol 38’, 45’ bad 71’, u Raplangki Lyngdoh 35’ bad u Dao-shwa Siangshai 63’ & 67’.

Ha kawei pat ka jingialehkai quarterfinal, ka Rymbai Madanpynriang ka la pynliem da 1-0 iaka Lummyrli. Ia kane ka kol la thep da u Donaldo Dkhar 15’. Kane ka kol kala neh haduh ba kut wat hadien ka jingpyrshang jong ka Lummyrli ban iakhun ban ioh thep kol.

Da kane ka namjop kine ki ar tylli ki Khliehmyntriang bad ka Rymbai Madanpynriang haka aiom ialehkai ban wan kin ialehkai haka kyrdan second division.

Ka jingialehkai semifinal kan long haka 19 tarik Nailur. Ka Moosiang Lamare Old pyrshah iaka Khliehmyntriang SC haka por 12:00 baje nohphai sngi, ka Moosianglamare New pyrshah iaka Rymbai Madanpynriang SC haka por 2:30 baje nohphai sngi.