Jop ka Khliehtyrshi CC iaka Efty United XI haka District Cricket League ka WJHDCA
Ka Khliehtyrshi Cricket Club ka la pynliem iaka Efty United XI Mynso da 3 run haka jingialehka ‘District Cricket League 2024’ kaba pyniaid da ka West Jaintia Hills District Cricket Association (WJHDCA) kaba long ha madan Khliehtyrshi Mini Stadium haka 2 tarik Iaiong.
Iaka jingkynting pisa (Toss) la jop da ka Khliehtyrshi Cricket Club kaba la kam trai ban tied nyngkong bad kamai haduh 206 run na ka 35 Over bad hap 9 Wicket.
![](https://www.syllad.com/wp-content/uploads/2024/09/JIT-Vacancy-823x1024.avif)
U Mewada Shylla ula lah ban kamai 49 run na ki 29 bol bad u H. Timmy Ryngkhlem ula lah ban kamai 34 run naki 41 bol.
Katba na ka liang ka Efty United XI kiba la ioh ban pynhap wicket ki long Sanvert Kurkalang 3 wicket na ki 7 Over bad u Kitboklang Lyngdoh 2 wicket naki 6 Over.
Haba beh iaka thong ka Efty United XI ka la lah ban kamai 204 run bad hap baroh ki Wicket bad uwei u rangialehkai ula out haka dur jong ka Timeout system namar u khlem wan mih haka kut ialehkai ne batting crease.
U Sanvert Kurkalang ula kamai 35 run naki 25 bol bad u Reebok Hynniewta 45 run, 39 run. Na ka liang ka Khliehtyrshi kiba ioh ban pynhap wicket ki long u Demi Dkhar 3 wickets naki 7 over bad u Heimon Dkhar 2 wicket naka 1.2 bol.
Iaka nam Man of the Match la ioh da u Demi Dkhar jong ka Khliehtyrsh Cricket Club.
Leave a Reply