Jop ka Kur Suchen Bataw iaka FSMD, jam semifinal haka football ka Waikhyrwi SCSO

Syllad | The Rising MeghalayaNovember 4, 2024

Ka kynhun ba 10 ngut jong ka Kur Suchen Bataw kala pynliem da ka tie breaker da 4-2 iaka FSMD haka jingialehkai quarterfinal haka 16^th Prize Money Knockout Football kaba pyniaid da ka Wyrkyrwi Sports Club & Social Organisation (WSCSO), Dkhiah West kaba long ha madan Teilang Playground Dkhiah West haka 4 tarik Naiwieng.

Da kane ka namjop ka Kur Suchen Bataw kala jam shaka semifinal jong kane ka lympung ialehkai.

Haba phai sha ka jingialehkai ka jingiakhun hi kala long kaba iakhaid bad haka jingianion markylliang, tang hapoh 4-minute bala iaid ka jingiakhun, ka Kur Suchen Bataw uwei na ki nongialehkai jong ka ula ioh pdiang iaka red card. Hynrei wat la katta ka kynhun ba 10 ngut ka Kur Suchen kala iakhun tyngeh ba iada iaka kut ialehkai haduh ba kut ka kylla step.

Dei haba bteng biang iaka jingialehkai haka kylla miet ka Kur Suchen kala ioh ban thep nyngkong bad hadien ka jingpyrshang kaba bun bun sien ka FSMD kala ioh ban pyniakhaid ban tan kylla iaka jingialehkai shuwa ban kut ka por ialehkai.

Kumta ki bor pyniaid kila rah syndon iaka jingialehkai sha ka jingshut penalty (tie-brearker). Ka bok nusip kaba heh kat u prah jong ka Kur Suchen kala ioh ban pynkhih iaka jar haduh saw sien, katba ka FSMD tang 2 sien bad kane kala pynlong syndon iaka Kur Suchen ban ioh khur iaka namjop bad buh jaka ialade haka kyrdan semifinal.

Jam quarterfinal ka 16th Prize Money Knockout Football Tournament ka Waikhyrwi SCSO