Jop ka kynhun MLA & MDC combine ïaka Officers combine

Syllad | The Rising MeghalayaOctober 2, 2019

JOWAI: Ki MLA bad ki MDC kila jop da 1-0 ïaki Officers Combine haka jingïalehkai football paralok kaba long ha Kiang Nangbah haka sngi Balang.

Ïa kane ka jingïalehkai football la pynlong kum shibynta ban rakhe ïaka sngi kha ba 150 u Kpa ka Ri, u Mahatma Gandhi bad ban ialap ban wanrah ïaka jingkhuid jingsuba ka shnong ka thaw.

Ha kane ka jingïakhun u MLA ka Jowai u Ma Wailadmiki Shylla ula ap kol ïaki MLA & MDC bad u Deputy Commissioner West Jaiñtia Hills District u Garod LSN Dykes ula ap kol na ka bynta ka kynhun jong ki officer.

Ka jingïalehkai hadpeng kine ki arliang mamla ki nongshna aiñ bad ki nongpyntreikam ïaka aiñ kala long kaba shongshit bad kaba la pynbyrngia ïaki paidbah kiba la wan ban sakhi.

Ïa ka shikol jong ki MLA & MDC la ïoh thep kol da u Dr. Sankey Shangpung.