Jop ka Ladrymbai B bad ka Thangskai Tiger haka Super Div ka EJHDFA, lashai ka sngi yn rai mano ban rung semifinal

Syllad | The Rising MeghalayaDecember 3, 2024

Ka Ladrymbai B SC bad Thangskai Tiger SC kila khur nam jop haka lympung ialehkai Super Division Football Tournament kaba pyniaid da ka East Jaintia Hills District Football Association (EJHDFA).

Kane kala wan hadien ka jingialehkai kaba khatduh jong ki haka 3 tarik Nohprah kaba long ha madan artificial turf ha Diengshynrum.

Ka namjop ka Ladrymbai B SC kalong pyrshah iaka Rymbai Iawpynsing SC da 1-0. Ia kane ka kol la thep da u Rimetre Lyngdoh (45), kaba long syndon ka kol.

Ha kawei pat ka jingialehkai ka Thangskai Tiger SC kala pynliem da 4-0 Khliehriat West YWSC da 4-0. U Pynthymme Rymbai marwei ula thep ar kol kynthup iaka penalty (9, 57 P) bad mar shikol da u Pher Syrti (36) bad Longprem Dera (74).

Ka Rymbai Iawpynsing hadien ka jingbym lah ialehkai bha mynta ka aiom bad hadien ki 7 tylli ki jingialehkai kala neh 5 point bad ka Khliehriat West YWSC – 1 point kin hap noh ban hiar sha ka kyrdan ialehkai 1st Division haka aiom ilehkai bad wan.

Katba ka Ladrymbai B kala kiew 7 point, ka Thangskai Tiger 15 point hadien ka jingjop jong ki mynta ka sngi. Ka jingialehkai kaba khadtuh lashai ka sngi 4 tarik Nohprah kanlong hapdeng ka Dhana SC -12 point pyrshah iaka Chiehruphi SYWC -10 point haka por 11:45 Am bad ka Sutnga SSCC – 12 point bad ka Rymbai Shkenshynriah SC -10 point haka por 2:15 Pm kan ai iaka rai mano na kine ki kynhun ki ban iaknieh iaka top team bad ki ban ioh rung sha ka qualifier bad ka eliminator ne ki lai tylli ki semifinal.