Jop ka Ladthadlaboh 2-0 iaka Nangbah Mulang haka Super Division ka WJDSA

Syllad | The Rising MeghalayaSeptember 2, 2022

Ka Ladthadlaboh Sc kala jop da 2-0 pyrshah iaka Nangbah Mulang Sc haka jingiakhun Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Thohdieng.

Ia kine ki ar kol la thep da mar shikol da u Simeon Suchiang (7′) bad u Jeffrey Surong (63′) kaba la biang pura iaka Ladthadlaboh ban khur iaka namjop kaba lai ha kane ka aiom.

Da kane ka namjop ka Ladthadlaboh kala kamai 9 poin na ki saw sien iakhun, katba ka Nangbah Mulang kala neh 7 poin.

Lashai ka jingiakhun kan long hadpeng ka Mynthong pyrshah iaka 7 Wasa Utd haka por 3 baje nohphaisngi. Ka 7 Wasa ka don haka kyrdan kaba hakhlieh duh da kaba 9 poin haka miej iakhein poin hadien ba kala jop baroh lai tylli ki jingiakhun, katba ka Mynthong 7 poin na ki saw sien iakhun.