Jop ka Ladthadlaboh haka Super Div ka WJDSA

Syllad | The Rising MeghalayaNovember 9, 2023

Ka Ladthadlaboh kala jop da 4-2 iaka Khimusniang haka jingialehkai Super Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium kaba long haka sngi Palei.

Ha kane ka jingialehkai ka Ladthadlaboh kala tam shakhmat marsien sdang iaka jingialehkai katba dang iaid ka jingiakhun tang hapoh ka por 7′ lyngba u Banteilang Shylla. Ka kol kaba ar kala wan haka minit kaba 44′ kaba la thep da u Daunisakiai Dkhar 44′. Shuwa ban wai ka por ka Ladthadlaboh kala thep biang sa ar kol lyngba u Sanbor Kharshanoh 88′ bad u Promi Suting 90′

Ar kol na kaliang ka Khimusniang la thep da u Precious Tang 45’+1 bad u Heisniawki Syngkon 90’+1.

Haka 13 tarik ka jingiakhun kan long hapdeng ka Mukhla Raij SC bad ka Mynthong SC haka por 2.00 baje nohphai sngi.