Jop ka Latyrke & Jarain haka Super Div ka Saipung Block SA

Syllad | The Rising MeghalayaSeptember 19, 2022

Ka Latyrke SC bad ka Jaraiñ SC ki ar tylli ki kynhun kila jop haka jingïakhun Super Division Football Tournament ba pyniaid da ka Saipung Block Sports Association (SBSA) kaba iaid shait shait ha madan ka shnong Lamyrsiang, East Jaintia Hills District.

Haka jingikahun mynta ka sngi ka Latyrke SC ka la pynliem da 5-1 pyrshah ïaka Lakasein, katba ka Jaraiñ ka la pynliem 2-0 ïaka Tluh SC.

Ka Latyrke SC kala thep ia kine ki 5 kol lyngba u K. Lalchhuansanga (6′), u Lamin Amdep (8′ & 72′), u V. Hmar (39′) bad u R Khawbung (56′). Shikol ban lait brut ka Lakasein kala thep lyngba Nidaioh Dhar (77′).

Haka jingiakhun ka Jaraiñ SC pyrshah iaka Tluh, ia kine ki kol la thep da u Lalro Peka (30′) bad u Emarson Lyngdoh (46′).

Kat haduh mynta ka sngi ka Latyrke bad ka Narwan kila kamai mar 6 poin, katba ka Lamyrsiang 9 na ki lai tylli jingiakhun na ka Pool A. Na ka Pool B ka Mulait Utd 7 poin, bud sa ka Jalaphet bad Jarain mar 4 poin na ki lai sien iakhun.

Ka Lakasein, United Biate kim pat kamai poin eiei hadien ba kila mad iaka namrem na ka Pool A. Ka Tluh na ka Pool B kala kamai tang 1 poin

Lashai ka sngi ka jingïakhun kan long hapdeng ka Mochut Pyrdung SC pyrshah ïaka Jalaphet Bri Sumer haka por 2.00 baje nohphai sngi.