Jop ka Lion 16 run iaka Khimusniang haka Open To All Cricket ka WJHDCA

Syllad | The Rising MeghalayaApril 21, 2023

Ka Lion Sports Youth Affairs kala jop da 16 run pyrshah iaka  Khimmusniang Sports Club haka Open to All Cricket Tournament kaba pyniaid da ka West Jaintia Hills District Cricket Association (WJHDCA) akab long ha madan Khliehtyrshi haka sngi Thohdieng

Ka Lion kaba la kam trai ban tied nyngkong bad kala kamai 213/6 run na ka 35 over. U Firstborson Dkhar ula ioh 43 run bad ula khur ruh iaka khusnam man of the match. Ar ngut kiwei pat kiba la synniang sha ka jingkamai run ka Lion ki dei u Nik Dan 46 run bad u Kitboklang Rangad 42 run.

Na kaliang ki nongkawang ball ka Khimmusniang u Chwamiki Ryngkhlem bad u Richard Patwet kila oh khur mar 2 wicket.

Haba poi ka pali jong ka Khimmusniang Sports Club hawa beh ia ka thong kala lah ban kamai tang 197/9 na ka 35 over. U Chwamiki Ryngkhlem ula synniang marwei 85 run, u Richard Patwet 27. U Peterson Lamare bad u Namewanki Pakyntein kila khur mar 2 wicket.