Jop ka Lion, iakhaid ka Shangpung Moosyiem bad ka Panaliar haka 2nd Division ka WJDSA

Syllad | The Rising MeghalayaAugust 28, 2024

Ka Lion Sports and Youth Affairs kala jop da 1-0 pyrshah iaka Lumpariat, katba ka Shangpung Moosyiem bad ka Panaliar kila iakhaid mar 1-1 haka jingialehkai 2nd Division Football Tournament- 7th Debo Shullai Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 28 tarik Nailar.

Haba phai sha ka jingiakhun hapdeng ka Shangpung Moosyiem bad ka Panaliar, kine ki ar kol kila mih paw haka kylla miet ha kaba ka Shangung Moosyiem kala ioh shuwa ban pynkhih iaka jar lyngba u Deo Langbang (50), hynrei ka Panaliar kala tan kylla iaka jingiakhun sha kaba iakhaid lyngba ka kol kaba la thep u Sam ha o Sumer (80).

Ka namjop ka Lion pyrshah iaka Lumpariat kala wan lyngba ka kol kaba la thep u Prosperwell Dhar (17). Kane ka kol kala neh haduh ba kut ka jingialehkai kaba la biang pura iaka Lion ban khur iaka jingjop.