Jop ka Loompyrdi Iongpiah Riatsaliya haka Third Div; ka Dulong haka Independence Day Cup ka WJDSA

Syllad | The Rising MeghalayaAugust 7, 2024

Ka Loompyrdi Iongpiah, Riatsaliya Mihmyntdu bad ka Dulong kila khur namjop haka jingialehkai Third Division Football Tournament bad ka Independence Day Cup Under 17 Football Tournament kaba long ha Kiang Nangbah Stadium haka 7 tarik Nailar.

Kine ki ar tylli ki tournament ki dei kiba pyniaid da ka West Jaintia District Sports Association (WJDSA)

Ha ka jingiakhun Third Division, ka Loompyrdi Iongpiah kala pynliem da 1-0 Royal Pole Mihmyntdu. Ia kane ka kol la thep da u Rishanki Laloo (39′). Ka Riatsaliya Mihmyntdu kala pynliem iaka Nangbah Pohshnong da 4-0. Ia kine ki kol la thep da u Ishanroy Pde (5′), u Issac Chyrmang (41′) bad u Iohi Chyrmang (55′,57′).

Katba haka Independence Day Cup, ka Dulong kala pynliem da 5-1 iaka Dongmihsngi.

Iaki kol jong ka Dulong la thep Rio Marboh (8′, 54′ bad Nambor Lamat (38′, 56′) bad shikol ka own goal kaba la thep da u H. Patwet (60’+1). Shikol ka Dongmihsngi la thep da u Heiplantmi Shylla (48).

Ka jingialehkai ka Mynthong pyrshah iaka Mookyndur kala kut khlem don mano mano ba ioh pynkhih jar..