Jop ka Lumbhahdakha bad ka Rising Sun Mukhla halka 2nd Div ka WJDSA, lashai ka final 3rd Div

Syllad | The Rising MeghalayaSeptember 6, 2024

Ka Lumbhahdakha bad ka Rising Sun Mukhla kila khur jingjop haka jingialehkai 2nd Division Football Tournament – Ka 7th Debo Shullai Memorial Trophy kaba pyniaid da ka West Jaintia District Sports Association (WJDSA) kaba long haka 6 tariik Nailur ha Kiang Nangbah Stadium.

Ka namjop ka Lumbhahdakha kala wan pyrshah iaka Lutituber Ialong da 1-0. Ia kane ka kol la thep da u Rimiki Dhar (43).

Katba ka Rising Sun Mukhla kala jop da 2-0 iaka Iawmulong Nartiang. U Chembun Suna (30) bad u Ricky Sari (80+3) kila thep ia kine ki kol jop.

Shuh shuh ka jingiakhun final haka kyrdan 3rd Division – 4th Adelbert Laloo Memorial Trophy kan long lashai ka sngi 7 tarik Nailur 2024. Kane ka jingiakhun final kan long Loomsooiung Newhill pyrshah iaka Mulang SC haka por 1:30 Pm.

U kongsan ban sakhi ia kane ka jingiakhun u dei U Bah Tympang Laloo ha ka jingiadonlang ki khun ki kti bad kiba haiing (L) Adelbert Laloo.