Jop ka Lumbhahdakha haka 2nd Div Football ka WJDSA

Syllad | The Rising MeghalayaSeptember 23, 2024

Ka Lumbhahdakha Wahiajer kala pynliem da 5-1 iaka Iawmulong Nartiang haka jingialehkai 2nd Division Football Tournament – 7th Debo Shullai Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 23 tarik Nailur.

U namtam ha kane ka jingialehkai u dei u Rimiki Dhar hadien ba ula ioh iaka hattrick lyngba ki kol kiba ula thep (16, 35, 76), sa mar shikol da u Bernard Suchiang (22) bad Augusteen Mukhim (42).

Shikol na ka Iawmulong Nartiang la thep da u Meker Pyrtuh haka minit kaba (79).

Shwa kane, ka jingialehkai hapdeng ka Rising Sun Mukhla pyrshah iaka Shangpung Khliehmuchut kala kut da kaba iakhaid khlem don mano mano ba ioh pynkhih iaka jar.

Lashai ka sngi ka jingiakhun kan long hadpeng ka Khliehmyntang Ialong bad Panaliar haka por 12.00 baje mynsngi. Ka Lion Sports & Youth Affair bad Shangpung Moosyiem haka por 2.00 baje nohphai sngi.