Jop ka Lumiawmuchai 5 kol haka Super Division ka WJDSA hiar noh ka Sohmynting bad Sabahmuswang sha ka 1st Division

Syllad | The Rising MeghalayaSeptember 13, 2022

Ka Lumiawmuchai Shangpung kala jop 5-0 kol pyrshah iaka Sohmynting haka Super Division kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi ba Ar.

Ha kane ka jingiakhun ka Lumiawmuchai kala khyrwit iaka kol kaba nyngkong tang hapoh 1’ bala iaid ka jingiakhun. Ia kane ka kol la thep da u Bantei Iakai, ka kol ba ar ba lai la thep da u Sanki wa oo Law (35’) bad u Defender Sutnga (41’). U Defender ula thep iaka kol ba ar (46’) bad ka kol kaba khatduh ne ba san da u Tympang Tangliang (90’+3).

Da kane ka namjop ka Lumiawmuchai kala kamai 7 poin, katba ka Sohmynting 2 poin bad Sabahmuswang 1.

Ka Sohmynting bad ka Sabahmuswang kin hap ban hiar sha ka kyrdan 1st Division hadien ba ka jingbym lah ban ialehkai bha ha kane ka aiom ialehkai.

Lashai ka sngi ka jingiakhun kanlong hadpeng ka Mynthong pyrshah iaka Khimusniang haka por 3 pm. Ka Mynthong ka don 10 poin bad ka Khimusniang 7 poin bad baroh ar tylli kine kynhun ki donkam ban jop.

Kumba long mynta ka 7 Wasa ka don haka kyrdan kaba hakhlieh duh 15 poin, bud ka Ladthadlaboh 13. Nalor katta ka Nangbah Mulang ka don 10 poin bad ka dang sah sa kawei ka jingiakhun pyrshah iaka Lumiawmuchai Shangpung (7 poin) ha kaba kine ki ar kynhun ki iakhun haka 16 tarik une u bnai.

Ka jingiakhun shuwa ban jam sha ka semifinal, ka Sabahmuswang pyrshah iaka 7 Wasa kan long haka 15 tarik une bnai bad ka jingiakhun ba khatduh eh kan long hadpeng ka Sohmynting pyrshah iaka Ladthadlaboh haka 17 tarik une u bnai.