Jop ka Lumpariat haka Second Div Football ka WJDSA

Syllad | The Rising MeghalayaAugust 23, 2023

Ka Lumpariat Sc kala jop da 2-0 iaka West Madan Mustem haka Second Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Balang.

Kine ki ar kol ka Lumpariat kila wan haka jingialehkai jong ka kyllamiet lyngba u Mario Syndai 70′ bad u Lovingstar Papiah ka West Madan Mustem, uba la bakla thep sha ka kol lajong (own goal) haka minit kaba 74′.

Shuwa kane ka jingialehkai hadpeng ka Dongmihsngi pyrshah iaka Chutwakhu la hap ban pynsangeh noh na kadaw ka jingpynthut ka mariang, hadien 8′ bala iaid ka jingialehkai.

Ka jingïakhun haka 25 tarik une u bnai kan long hapdeng ka Chilliangraij pyrshah iaka NSA haka por 12.00 baje nohphai sngi. Ka Muknor Thadmuthlong pyrshah iaka Lion SC haka por 2.00 baje nohphai sngi.