Jop ka Lumpynngad haka sngi sdang ka Super Div ka Amlarem SSA

Syllad | The Rising MeghalayaNovember 2, 2024

Ka Lumpynngad SC kala khur jingjop da 4-0 pyrshah iaka Pamtbuh haka sngi sdang jong ka lympung ialehkai Super Division Football League kaba pyniaid da ka Amlarem Sub Divisional Sports Association (ASSA) ha madan Mini Stadium Ladjaplem, Amlarem haka 2 tarik Naiwieng.

Ia kine ki saw kol ka Lumpyngngad la thep da Dao Syieh har kol (21, 60), bad mar shi kol da u Dongmi Surong (66) bad Benjamin Pohshna (72).

Ia kane ka lumpung ialehkai ka wan ban plie da u President ka Meghalaya Football Association (MFA) Bah Hamletson Dohling haka jingdonlang u Bah GLC Mylliem, MCS, Assistant Commissioner, Amlarem Sub-Division, ki dkhot ka MFA ba kynthup u General Secretary Bah Sunesh Syiem, Bah Heringson Shangpliang, Bah Cliff Nongrum, Bah Freddy Kharpran, u Working President ASSA Wansuk Lamin bad ki dkhot nalor kiwei kiwei.

Ha kane ka juh ka sngi ka ASSA kala pynkup burom ruh iaki khynnah ialehkai Meghalya Youth League kiba la rung shaduh ka quarterfinal.

Ka jingiakhun kaba bud kan long haka 5 tarik Naiwieng hapdeng ka Jarain C&SC bad Dongmihsngi Mupyut haka por 1.00 baje nohphai sngi.