Jop ka Lutituber 3-1 iak Chutwakhu haka 1st Div ka WJDSA

Syllad | The Rising MeghalayaOctober 31, 2022

Ka Luti Tuber Ialong kala pynliem da 3-1 pyrshah iaka Chutwakhu haka 1st Division Football Tournament 2022 kaba pynïaid da ka West Jaintia District Sports Association (WJDSA) kaba long ha Kiang Nangbah Stadium haka sngi Nyngkong.

Ka Lutituber kala ioh thep ia baroh lai tylli ki kol shuwa ban wai ka por iakhun. u Marbhah Dhar marwei ula khyrwit ar kol (80′, 85′) bad shi kol la thep da u Masan War (90’+1).

Ka Chutwakhu ha kane ka jingiakhun kala tam shakhmat 1 kol naduh ka kylla step lyngba ka kol u Raplin Ramut (35′), pynban ka Lutituber kala wan nadien ba thep ia kitei ki kol bad khur syndon iaka namjop.

Lashai ka sngi ba Ar, ka jingïakhun kan long hapdeng ka Nangbah Ïawmusiang SC pyrshah ïaka Mukhla Evergreen SC haka por 2.30 baje nohphai sngi.