Jop ka Lutituber bad Mulang haka 3rd Div ka WJDSA

Syllad | The Rising MeghalayaJune 15, 2023

Ka Lutituber Ialong, ka Mulang Ïalong ki la khur jingjop katba ka Lumpyrtuh Mihmyntdu bad Royal Pole Mihmyntdu kila ïakhaid haka lympung ïalehkai Third Division Football Tournament kaba pyniaid ka West Jaintia District Sports Association (WJDSA) kaba long ha Kiang Nangbah Stadium haka sngi Palei.

haka jingiakhun Lutituber Ialong ka la pynliem ïaka Youth Social Welfare Pynthor da 1-0. Ïa kane ka kol jong ka Lutituber Ïalong la thep da u Phrangki Dhar haka minit kaba 41.

Ha kawei pat ka jingïakhun ka Mulang Ialong ka la pynliem ïaka Madan Thadmuthlong da 1-0. Kane ka shikol ka Mulang Ialong la thep da u Dangaitlang Mulieh haka minit kaba 70+1.

Haka jingïalehkai kaba khatduh hadpeng ka Lumpyrtuh Mihmyntdu pyrshah ïaka Royal Pole Mihmyntdu kala wai da kaba iakhaid 1-1 kol

Ka Lumpyrtuh Mihmyntdu kal ioh shuwa ban thep shikol lyngba u Nikhil Dkhar haka minit kaba 18. Dei haka kylla miet Royal Pole Mihmyntdu kala tan kylla iaka jingiakhun sha kaba iakhaid lyngba ka kol u Hamewan Sayoo haka minit kaba 70+2.