Jop ka Lutituber Nonglatem bad ka Mulang Ialong haak Third Div ka WJDSA

Syllad | The Rising MeghalayaJuly 23, 2024

Ka Lutituber Ialong, SC SC Nonglatem bad ka Mulang Ialong ki lai tylli ki kynhun kiba la khur jingjop haka lympung ialehkai Third Division Football Tournament – 4th Adelbert Laloo Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 22 tarik Naitung.

Haba phai sha ka jingialehkai, ka Luti tuber Ialong kala pynliemda 1-0 iaka Loomiongkjam. Ia kane ka shikol jong ka Lutituber Ialong la thep da u Francis Pale (37) bad kala neh haduh bala kut ka por kaba la buh.

Haka jingiakhun kaba bud ka SC SC Nonglatem kalajop da 2-0 iaka Dongnein Mookaswan da 2-0. U P Langshiang (65) bad u Obidien Pyrtuh (67) kila thep ia kine ki ar kol ban lam lynti iaka Nonglatem ban khur namjop.

Katba ka jingialehkai ka Phramer pyrshah iaka Khliehshnong Ialong kala kut da kaba iakhai mar 1-1. Nakaliang ka Phramer ia kane ka shikol la thep da u Rashmiki Suchiang (8) bad tang hadien katto katne por bala iaid ka jingiakhin ka Khliehshnong Ialong kala ioh iaka lad ban tan kylla iaka jingiakhun sha kaba iakhaid lyngabS. Pale (20).

Ka jingiakhun ba khatduh jong ka sngi, ka Mulang Ialong kala jop da 2-0 iaka Saindur Mihmyntdu. U Poisuk Dhar (55) bad u Richard Dhar (56) kila thep mar shikol kaba la biang pura iaka Mulang ban khur iaka namjop.