Jop ka Madankynsaw Mowkyndeng bad Nangbah Dukhu haka 2nd Div ka WJDSA

Syllad | The Rising MeghalayaSeptember 19, 2024

Ka Madankynsaw Mowkyndeng bad ka Nangbah Dukhu kila khur namjop haka 2nd Division Football Tournament – 7th Debo Shullai Memorial Trophy kaba pyniaid da ka West Jaintia District Sports Assocaition (WJDSA) kaba long haka 19 tarik Nailur.

Haba phai sha ka jingialehkai, ka Madankynsaw Mowkyndeng kala jop bunkol haduh 7-0 pyrshah iaka Caroline Colony.

Ar ngut ki nongialehkai ka Madankynsaw kila khur hattrick kiba kynthup ia u Cornelius Suchiang (5, 27, 71), u Dangri Phawa (37, 54, 63) bad shi kol na u Heiwamut Lamare (68).

Ha kawei pat ka jingialehkai ka Nangbah Dukhu kala pynliem da 3-1 iaka Dongmihsngi.

Iaki kol jong ka Nangbah Dukhu la thep da u Banteilang Iongwai (40+1) bad Nathan Biate (51, 83). Katba ka shikol jong ka Dongmihsngi la thep da u Remember Langstang (65).