Jop ka Malngniang haka football league ka TSA

Syllad | The Rising MeghalayaDecember 19, 2024

Ka Malngiang kala jop da 1-0 pyrshah iaka Ummulong, katba ka Thadmusem bad ka The A Team bad Lummuriap bad ka Nongkharai kila iakhaid ka haka football legue ka Thadlaskein Sports Association (TSA).

Haba phai sha ka jingialehkai kaba la long ha madan Wahiajer, ka Thadmusem pyrshah iaka The A Team ka jingiakhun kala kut da ka jingiakhaid khlem don mano mano ba lah ban pynkhih iaka jar kol.

Haka jingialehkai kaba bud, ka Malngiang kala jop da 1-0 iaka Ummulong SC. Ia kane ka kol la thep da u Knerlang Dhar (41).

Kawei pat ka jingialehkai kaba khatduh hadpeng ka Lummuriap SC pyrshah iaka Nongkharai kala kut khlem do ba ioh thep kol.

Haka 20 tarik Nohprah ka jingialehkai kan long hapdeng ka Jalapang SC pyrshah iaka Morathud haka por 10.00 baje mynstep, ka Sohphoh pyrshah iaka United SC haka por 12.00 baje mynsngi, ka Heibor Iong-i FC pyrshah iaka Mukhla Sohshrieh haka por 2.00 baje nohphai sngi.