Jop ka Medical XI 9-0 kol iaka Agriculture XI haka Inter Office football ka MSGEF

Syllad | The Rising MeghalayaNovember 22, 2021

Ka Medical XI kala jop 9-0 kol pyrshah iaka Agriculture XI haka jingiakhun football Inter Office kaba la tip kum ka 8th U Kiang Nangbah Memorial Trophy kaba pyniaid da ka Meghalaya State Government Employees’ Federation (MSGEF) kaba long haka sngi Nyngkong ha Kiang Nangbah Stadium.

U Babeto Lamare ula kylla long u namtam ha kane ka jingkhur namjop ka Medical XI hadien ba ula iioh ban khyrwit iaka hattrick da kaba thep saw kol marwei haka mnit kaba (8, 43, 45, 50).

Kiwei kiba iarap ban thep kol na kaliang Medical ki kynthup ia u Romeyo Biam (62,72) bad mar shikol da u Hesper Tariang (32), Nehlang Bareh (58) bad u Samekhadle Lamare (70).