Jop ka Mihmyntdu RC Eve, Kiang Nangbah, Kymprup, HK Singh haka Subroto Mukherjee Cup ha Jowai

Syllad | The Rising MeghalayaJune 12, 2024

Ka Mihmyntdu R.C Eve Sec School, Kiang Nangbah Govt. HS School, H.K. Singh Memorial Secondary School, St. Claret Sec School Phramer bad Kymprup Sec. School Sahsniang kila khur jingjop haka kylla kaba nyngkong jong ka kyrdan Under-17 Boy’s haka Subroto Mukherjee Cup haka 11 tarik Jylliew.

Ia kane ka lympung Distrcit Level Inter School Subroto Mukherjee Cup la pyniaid da u kaba long ha Kiang Nangbah Stadium.

Haba phai sha ka jingialehkai, ka Mihmyntdu R.C Eve Sec School kala pynliem iaka All Saint Diocesan School da 3-1. Ka jingialehkai kaba bud ka Kiang Nangbah Govt. HS School kala pynliem iaka Wahiajer Presbyterian HS School da 1-0.

Ka HK Singh Memorial Secondary School kala pynliem iaka Riwar Jaintia COG Sec School, Ladjaplem da 3-1, ka St. Claret Sec School Phramer kala pynliem iaka Padu HS School da 4-3 lyngba ka Tie breaker bad Kymprup Sec. School Sahsniang kala pynliem iaka Syndai Sec Shool da 4-1.