Jop ka Moodaymmai bad ka HUCC haka T20 Cricket ka AJCA

Syllad | The Rising MeghalayaFebruary 25, 2022

Ka HUCC bad ka Moodymmai ki la khur jingjop haka lympung ïalehkai Open to All T20 Cricket Tournament 2022 kaba pyniaid ka All Jaintia Cricket Association kaba long ha madan Jrisalein, Chutwakhu Jowai haka sngi Palei.

Ka HUCC ka la pynliem ïaka Rising Star da 11 run katba ka Moodymmai ka la pynliem ïaka Chutwakhu da 65 run.

Ka HUCC kaba la jop iaka toss kala kam trai shuwa ban tied bad kala kamai 211 run na ki 20 over bad hap noh 8 wickets. U namtam u dei Ebormi Sutnga uba la kamai 65 run naka ka 25 bol katba u D. Nongpluh jong ka Rising Star ula pynhap 3 wickets na ki 2 over. Haba poi ka pali, ka Rising Star ka la tied 201 run na 20 over bad hap noh 6 wickets.

U D Shullai marwei ula kamai 82 runs naka 46 bol, katba u S. Paswet jong ka HUCC ula ïoh ban pynhap 1 wickets naki 4 over.

Haka jingïakhun kaba ar ka Chutwakhu ka la jop ïaka jingkynting pisa bad ailad ïaka Moodymmai ban tied nyngkong.

Ka Moodymmai ka la lah ban tied tied 189 run na ki 20 over bad hap 9 wickets.

U Daowan Passah ula kamai 98 run naka ka 55 bol katba u V. Pala bad u Emdor Sutnga jong ka Chutwakhu ki la pynhap mar 3 wicket.

Haba beh ïaka thong ka Chutwakhu ka la lah ban tied 124 run naka 17.1 over bad hap noh baroh ki wicket. U D Rangad ula kamai 39 run naka 31 bol katba u Daowan Passah jong ka Moodymmai ula pynhap 2 wickets naki 4 over.

Ïaka nam ‘Man of The Match’ la ïoh da u Ebormi Sutnga jong ka HUCC uba la kamai 65 run naki 25 bol bad u Daowan Passah jong ka Moodymmai uba la kamai 98 run naki 55 bol bad pynhap 2 wickets naka 4 over.