Jop ka Moodymmai haka sngi sdang ka Open to All Cricket ka WJHDCA

Syllad | The Rising MeghalayaApril 13, 2023

Ka Moodymmai CC kala jop da 41 run pyrshah iaka Khliehtyrshi haka sngi sdang jong ka Open to All Cricket Tournament kaba pyniaid da ka West Jaintia Hills District Cricket Association (WJHDCA) kaba long ha madan ialehkai ka Khliehtyrshi haka sngi Balang..

Ka Moodymmai kaba la jop iaka toss kala kam trai ban bat shuwa bad kala buh iaka 226 run naka 30.3 over bad hap baroh ki wicket.

U Ribok Hynniewta ula ioh 53 run katba u Nehlang Pariat bad u Dao Passah ki la kamai mar 30 run. Katba ki nongkawang ball ka Khliehtyrshi u H. Timmy Ryngkhlem bad u Peter Nongtdu kiba la ioh khur mar 3 wicket.

Ka Khliehtyrshi haba beh iaka thong kala kamai tang 184 run naka 35 over bad hap 8 wicket. U Conard Sana ula ioh kambun run na ki batsman ka Khliehtyshi da kaba kamai 35 run.

U Ribok Hynñiewta ula lah ban ialehkai bha bad ka ball bad ka bat nalor ba ula synniang 53 run ula khyrwit ruh 2 wicket kaba la biang pura ia u ban khur iaka man of the match. U Nehlang Pariat ruh ula khur 2 wicket.