Jop ka Moodymmai iaka HUCC rah syndon iaka nam lahduh ka Open to All T20 Cricket Tournament ka AJCA

Syllad | The Rising MeghalayaMarch 8, 2022

Ka Moodymmai kala pynliem da 18 run iaka HUCC haka jingiakhun phainal ka lympung ialehkai Open to All T20 Cricket Tournament kaba pyniaid da ka All Jaintia Cricket Association (AJCA).

Haka jingiakhun phainal kaba long mynta ka sngi ba Ar ha madan Jrisalein, Chutwakhu Jowai ka HUCC kaba la jop iaka toss kala kala ailad iaka Moodymmai ban tied ha kaba kala kamai 207 run

U Bishar Lamare ula kylla long u namtam ha kaba marwei ula synniang sha u sup u thiar kamai ruh ka Moodymmai 57 run naki 40 bol bad ula khyrwit ruh 5 wicket  ha kane ka jingiakhun. U Heimonlang-i Lyngdoh ula kamai 50 run naki 19 bol.

U Bishar ula khur iaka khusnam Man of The Match hadien ba ula lah ban lam lynti iaka Moodymmai ban jop.

Ki nongkawang bol ka HUCC kiba kynthup ia u Y Patweth ula pynhap 2 wicket na ka 3 over katba u S. Patweth bad u E. Phawa ki la pynhap mar 2 wicket na ka 4 over.

Haba la poi ka plai jong ka HUCC ban beh iaka thong ka la kamai 189 run na ka 20 over. U Y Patweth ula kamai 48 run naki 28 bol.

Ïaka khusnam ‘Man of the Tournament’ la ïoh rah da u Yoohimiootre Patweth jong ka HUCC uba la kamai 194 run bad pynhap 10 wicket.

U Chantre i man Lamare jong ka (L) Amity Laloo ula ioh iaka khusnam ba bun run ehkaba ula kamai 266 run na ki 4 tylli ki jingïakhun, katba u Eshan Siangshai na ka Rising Star ba dang 11 snem rta ula ïoh ïaka nam ‘Youngest Player’ bad ka nam ‘Most Promising Player’ la ïohrah da u Maremdor Sutnga jong ka Chutwakhu.

U Deputy Commissioner ka West Jaintia Hills District u Ma Garod LSN Dykes, IAS kum u kongsan ula sam iaka khunsam sha ka lahduh ha ryngkat u Bah Gideon Kharkongor Honorary Secretary ka MCA uba la iaka khunsam ba lahduh ba ar.

Ka Moodymmai kala ioh rah iaka song pisa kaba T.15 hajar ryngkat ka trophy bad ka HUCC T. 10 hajar tyngka ryngkat ka trophy.

Ha kane ka sngi la iadonlang u Edystone Shylla president AJCA, u Convenor ka BCCI Task Force u Naba Bhattacharjee bad kiwei kiwei.