Jop ka Moodymmai da 79 run iaka Khliehtyrshi haka District Cricket League ka WJHDCA

Syllad | The Rising MeghalayaApril 20, 2024

Ka Moodymmai CC kala jop da 79 run iaka Khliehtyrshi CC haka District Cricket League ka West Jaintia Hills District Cricket Association kaba long ha madan Khliehtyrshi haka 20 tarik Iaiong.

U namtam ha kane ka jingkhur namjop ka Moodymmai u dei u Bamanbha Shangpliang uba marwei ula kamai 78 run naki 52 bol. U Bamanbha ula ialehkai bha ruh bad ka bol ha kaba ula khyrwit 5 wicket na ka 6 over kaba la biang pura ia u ban khur iaka nam Man of the Match.

Ka Moodymmai kaba la jop iaka toss kala tied shuwa bad buh iaka thong kaba 226.

Ka Khliehtyrshi haba beh iaka thong kala liem lut baroh 10 wicket hadien ba kala kamai tang 146 run naka 21.2 over. U Mewada Shylla ula lah ban tied 38 run naka 33 bol bad u Rio Hame Rymbai ula lah ban tied 33 run naki 20.

U HD ula khur ruh 4 Wicket naki 5.4 over bad u Demikhon u Ma ula pynhap 3 wicket naki 7 over.