Jop ka Moodymmai, Royalpole Mihmyntdu, Mukhla Umlangshor haka 3rd Div ka WJDSA

Syllad | The Rising MeghalayaApril 6, 2022

Ka Moodymmai, Royalpole Mihmyntdu bad ka Mukhla Umlangshor kila khur jingjop haka jingiakhun football 3rd Division kaba la tip kum ka 2nd Adelbert Laloo Memorial Trophy kaba long ha Kiang Nangbah Stadium haka sngi Balang.

Kane kala wan hadien ba ka Moodymmai kala jop da 4-1 kol pyrshah iaka Myrjai.

Ia kine ki saw kol ka Moodymmai la thep da u Sunday Talang (14), Benison Rymbai (24, 71) bad u Daiohbor Chullai (68). Shi kol ka Myrjai la thep da u Trei Kyndait (27).

Kawei pat ka jingiakhun ka Royalpole Mihmyntdu kala jop 3-0 kol iaka Khlihchnong Ialong. Ia kine ki kol la thep mar shi kol da u Yooluti Pakma (28), Sumarlang Suting (35) bad u Skhemlang Nongsiej (55).

Haka jingiakhun kaba khatduh ka Mukhla Umlangshor kala pynliem 3-0 kol Tympang. Ia kine ki kol la thep da u Sammuel Shylla (17), Niewkor Sari (48) bad u Heimon Lyngdoh (60)