Jop ka Mooknor Thadmuthlong iaka Evergreen Mukhla haka 1st Division, 5 tarik yn sdang sa ka Super Division ka WJDSA

Syllad | The Rising MeghalayaNovember 1, 2024

Ka Mooknor Thadmuthlong kala jop da 1-0 iaka Evergreen Mukhla haka jingialehkai 1st Division Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 1 tarik Naiwieng.

Ia kane ka shikol ka Mooknor kala ioh ban thep shuwa ban wai ka kyllastep lyngba u Apshwa Tyngkan (41) bad kane ka kol kala neh haduh ba kut ka jingialehkai.

Shuh shuh nakaliang ka WJDSA kala pyntip ka lympung ialehkai Super Division kan sdang noh haka 5 tarik Naiwieng. Man ka sngi kin don ar tylli ki jingiakhun kata haka por 11 Am bad 2 Pm.

Ka jingialehkai kaba nyngkong kan long hapdeng ka Demthring pyrshah iaka Shangpung Lumiawmushai pynbud sa ka Nangbah Mulang pyrshah iaka Wahiajer.