Jop ka Mookymphad bad ka Myrjai haka Third Div. ka WJDSA

Syllad | The Rising MeghalayaJuly 16, 2024

Ka Mookymphad Mihmyntdu bad ka Myrjai kila khur namjop haka jingialehkai Third Division Football Tournament – 4th U Adelbert Laloo Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 16 tarik Naitung.

Ar tylli kiwei pat ki jingiakhun kila kut da kaba iakhaid hapdeng Pasyih Cultural bad Lumpyrtuh Mihmyntdu da 1-1, katba ka Mookaswan Dongwah pyrshah iaka Catholic Youth Mihmyntdu kala kut khlem don mano mano ba ioh pynkhih jar.

Ka Mookymphad Mihmyntdu kala pynliem iaka Lumsliarsliar da 2-0. Ia kine ki kol jong ka Mookymphad Mihmyntdu la thep da u Walad Shylla haka minit kaba 3 bad u Pyniohlad Papeng haka minit kaba 37.

Ka Myrjai kala pynliem iaka Dongnein Mookaswan da 1-0 bad ia kane ka kol jong ka Myrjai la thep da u Lamphrang Kyndait haka minit kaba 68.