Jop ka Mookyndur haka 1st Div ka WJDSA

Syllad | The Rising MeghalayaOctober 9, 2024

Ka Mookyndur kala jop da 2-1 iaka Moosalyngkat, katba ka Thadmuthlong bad Mynthong kila iakhaid mar 1-1 haka 1st Division Football Tournament-12th Chatister Kharkongor Memorial Trophy 2024 kaba pyniaid da ka West Jaintia District Sports Association (WJDSA) kaba long ha madan Kiang Nangbah Stadium, Jowai haka 9 tarik Risaw.

Haba phai sha ka jingialehkai, ka namjop ka Mookyndur kala wan lyngba ki kol kiba la thep u Bandaplang Pariat (19) bad Carefulme Suting (36). Shikol ka Moosalyngkat kala wan shuwa ban wai ka por lyngba u Riki Phawa (80)

Shuwa kane ka jingiakhun, ka Mooknor Thadmuthlong kala iakhaid bad ka Mynthong da 1-1.

Ka Mooknor Thadmuthlong kala thep ia kane ka shikol lyngba u Ioh i Dhar (13), hynrei ka ka Mynthong kala lah ban tan kylla iaka jingiakhun sha kaba iakhaiid lyngba u Riketto Dkhar (31).