Jop ka Mookyndur iaka Khliehiongriang rah syndon iaka nam lahduh ka 5th Debo Memorial Trophy ka WJDSA

Syllad | The Rising MeghalayaAugust 20, 2022

Ka Mookyndur SC kala lah ban pynliem iaka Khliehiongriang SC da 1-0 haka jingiakhun final jong ka Second Division Football Tournament kaba la tip kum ka 5th Debo Shullai Memorial Trophy kaba pyniaid da ka West Jaintia District Sports Association (WJDSA).

Ha ka jingiakhun final kaba long haka sngi Saitjain ha madan Kiang Nangbah Stadium ia kane ka shikol la thep da u Nehlang Phawa (4) bad kane ka kol kala neh haduh bala kut ka por iakhun.

Shuwa kane ka kol mar sien sdang ka jingiakhun tang hapoh 1 minit ka Mookyndur kala pynlehnohei ia kawei ka penalty ha kaba u nongap kol ka Khliehiongriang u Rimi Dkhar, uba la ioh iaka khusnam best goal keeper ula lah ban kyrda iaka bol. Ia kane ka penalty la shut da u Jomsing Pariat, hynrei ym shym la lah ban pynkylla iaka sha ka kol.

Ka khusnam man of the match kala leit sha u Nehlang Phawa bad ka Player of the tournament la ioh khur da u Promi Suting. Baroh ar ngut kine ki nongialehkai ki dei jong ka Mookyndur.

u Jomsing Pariat pleiar ka Mookyndur bad u Ebanskhem Nongtdeh pleiar ka Iawmulong Nartiang kila khur ruh iaka khusnam top scorer kiba ioh mar san kol ha kane ka aiom ialehkai.

U kongsan ba wan sakhi ia kane ka tournament u dei u myntri sorkar ba dei khmih iaka tnad Arts and Culture bad kiwei kiwei, uba dei ruh para jong u (L) Debo Shullai, u ma Sanbor Shullai, Ricky Shullai, ka kong Saia Shullai, ka kong Monalisa Shullai, RJD Phyllei Assistant Director Horticulture nalor kiwei kiwei kiba haiing haka jingiadonlang ki nongialam bad dkhot ka WJDSA, u working president ma EMH Passah, vice president ma Patrick Lamare, u general secretary ma Lammat oo Laloo bad kiwei.