Jop ka Mookyndur Khliehiongriang haka quarter final 2nd Div ka WJDSA

Syllad | The Rising MeghalayaAugust 3, 2022

Ka jingiakhun quarter final 2nd Division Football kaba pyniaid da ka West Jaintia District Sports Association (WJDSA) kala sdang haka sngi Balang ha Kiang Nangbah Stadium da ka namjop ka Mookyndur bad ka Khliehiongriang.

Haba phai sha ka jingiakhun, ka Mookyndur kala jop 2-1 iaka Nangbah SA. Ka Mookyndur kaba wan nadien ban ioh thep kol, kala thep ia kine ki kol lyngba u Jomsing Pariat (60) bad Provi Suting (78). Katba ka shikol ka Nangbah la thep da u Ewanmi Pasi (50).

Ha kawei pat ka jingiakhun ka Khliehiongriang kala pynliem da 1-0 iaka Lion SYA. Ia kane ka kol jop la thep da u Arwanki Dkhar (73).

Da kane ka namjop kala biang pura ia kine ki ar kynhun ban buh jaka haka semifinal.

Lashai ka jingiakhun kanlong hadpeng ka Phramer pyrshah iaka Iawmulong Nartiang bad Panaliar pyrshah iaka West Madan Mustem.