Jop ka Moosiang Lamare New iaka Pamrapaithlu haka 2nd Div EJHDFA

Syllad | The Rising MeghalayaSeptember 4, 2024

Ka Moosiang Lamare New YWOSC kala khur jingjop katba ka Sutnga Mission SSCC bad Kairang SC kila iakhaid haka jingialehkai 2nd Division Football Tournament kaba pyniaid da ka East Jaintia Hills District Football Association (EJHDFA) haka jingialalehkai kaba la long ha madan artificial turf ha Diengshynrum haka 4 tarik Nailur,

Ka nam jop ka Moosiang Lamare New YWOSC kala wan pyrshah iaka Pamrapaithlu SCSC da 2-0.

U Damon Nongtdu (21) bad u Armiki Dkhar (23) kila ioh thep ia kine ki ar kol kiba la neh haduh ba kut ka jingialehkai.

Haka jingialehkai kaba bud ka jingiakhun kala kut noh mar 1-1 hapdeng ka Sutnga Mission SSCC bad Kairang SC.

Na kaliang ka Kairang SC la thep da u Rimon Nongtdu (6) katba iaka Sutnga Mission SSCC la thep da u Rimiki Dkhar (56).

Haka 5 tarik Nailur ka jingiakhun kan long hapdeng ka Rymbai Pohskur SC pyrshah iaka Deinshalalu haka por 12.30 baje mynsngi, ka SWO Moosiang Lamare Old SC pyrshah iaka Lumputhoi SC haka por 2.30 baje nohphai sngi.