Jop ka Mowkaiaw CYC da 29 run iaka Phramer CC haka District Cricket League ka WJHDCA

Syllad | The Rising MeghalayaApril 11, 2025

Ka Mowkaiaw CYC kala jop da 29 run pyrshah iaka Phramer CC haka jingialehkai District Cricket League ba la pyniaid daka West Jaintia District Cricket Association (WJDCA) ha madan Khliehtyrshi haka 11 tarik Iaiong.

Ka Mowkaiaw CYC kaba rem iaka toss kala tied shuwa bad kamai 130 run, liem baroh 10 wicket naka 21.3 over.

Hadien bala buh iaka thong kaba 130 run, ka Mowkaiaw kala lah ban tehlakam iaki nongtied ka Phramer bad kila lah ban kamai tang 101 run, liem baroh 10 wicket haka 28 over.

U Kitboklang Lyngdoh ka Mowkaiaw CYC ula kylla long u namtam bad khur iaka khusnam man of the Match hadien ba la lah ban pynhap 5 wicket.

Ka jingialehkai haka 12 tarik Iaiong kan long hapdeng ka Moodymmai CC pyrshah iaka Young Lad’s CC haka por 9.00 baje mynstep.