Jop ka Mowkaiaw CYC da 40 run pyrshah iaka Young Lad’s haka District Cricket League ka WJHDCA

Syllad | The Rising MeghalayaApril 5, 2025

Ka Mowkaiaw CYC kala jop da 40 run pyrshah iaka Young Lad’s CC haka jingialehkai District Cricket League kaba pyniaid da ka West Jaintia Hills District Cricket Association (WJHDCA) kaba long ha madan ialehkai ka shnong Khliehtyrshi haka 5 tarik Iaiong.

Ka Mowkaiaw CYC kaba la jop iaka toss kala kam trai shuwa ban tied bad kala kamai 162/10 naka 28.2 over. U Kishan Lyngdoh ula synniang sha u sup u thiar kamai run ka Mowkaiaw da 93 run bad khur 2 wicket kaba la biang pura ia u ban khur ia ka nam man of the match.

Ka Young Lad’s CC haba beh iaka thong kala kamai 22 run bad liem baroh 10 wicket haka 28 over.

Ka jingialehkai ka ban wan kan long haka 7 tarik Iaiong hapdeng ka Moodymmai CC pyrshah ia ka Ummulong SC ha ka por 9 baje mynstep.